Lu piccule sendire de culline

tra fiurdalise e ciocche de vijole,

salleve bianghe su ‘ngondr’ a lu sole

che fa la neve angore luccecà.

Papavere gindile llà a lu grane

s’annazzeche a lu vende de mundagne,

li libbre de la scole pe cumbagne

a l’arie se cuminge a spaggenà.

Pareve na cuperte recamate

lu prate, coma piace a nu pettore,

llà mmezze ce perdemme nghe l’amore

e lu latine e greche se scurdò.

Candeve curiusenne lu fringuelle

nascoste llà vicine tra li fronne,

lundane da la scole e da lu monne

me sende de lu colle nda nu re.

Nde corde de vjuline dogge dogge

svijeve la passione e nghe na frecce

signemme su lu tronghe e la curtecce

la date nghe ddo nume… eternità.

Lu tembe che cancelle tutte cose

nn’arjesce a cangellà la nustalgije,

nen sacce manghe jì mò che me pije,

so’ rjite a lu sindire a curiusà!

Sarà lu vende oppure la bbufere

ch’avrà spezzate l’albere e lu core

s’ho ‘rviste tra li spine a te e l’amore,

l’amore nostre de la giuvendù.

Lucio Cancellieri