di  Guglielmo Cameli

I

Me pare e nen me pare,

ci-a-cràte e nen ci-a-cràte,

eppure ahè lu vàre

ch’è fatte,  ‘ca se vàte.

A’ state tande male

stu libbre de salute,

e  iè che s’arfaciave

quasce ‘n ci avrì credute…

se Petrucce lu prote,

stu care e bon’amèche

nen ci s’avasse màsse,

de case e de pendèche

e…’mbò pe’ settemane

ca’ vodde ‘mbo  ‘lu mase

ddo ore de passione

nen ce l’avasse spàse.

“Petrù esce ssu libbre?”

“se esce? Mbe nn’u si?

Na ci de paciinzie

ci vo’, però l’arhì!”

“Pe la fène d’uttobre,

che dèce?” “Chi lu sa!”

“Almàne pe’ novembre!”

“Sperame che se fa.”

“Forse! Chissà! Però!

S’appure u nen z’appure

Se me lu fi’ stu libbre?”

“Lu facce de sicure!

Stavodde te prumàtte

Ca pure se va male

Pe’ quande vo  jè ‘llonghe

Nen passarà Natale”.

La verità  II

“None Petrù, che fi’

Te vu’ murè pe’ quàsse?

E Gigliole dapù

Che fa soltande hasse?

Mo che lu libbre è fatte

pu sta’ cundende, tu,

che l’hj fatte de core,

però n’ce penzà cchiù.

Arcummennel’immece

a  llu care Vradducce

che li faciàsse bille

sett’otte! Nn’ahè  ciucce

l’ameche De Matteise

e quanne li vo fa’

te leghe cirte libbre

che te ce pù spicchià.”

Iè pe ma che te dèche?

Pure mo’ che lu vàte

che stu libbre è fenète,

ci-a-cràte e nen ci-a-cràte.

Ma siccome ch’è fatte,

nen se po’ cchiù nehà,

ccuscè, Petrù, de core

fammete arngrazzià.

Nghe  tta pure Giuvanne

c’a fatte li vignàtte

cume li sa fa’h asse

quanne che ci se màtte.

Però nen me ne scorde,

cambasse trecend’anne,

che pe’ stambà stu libbre

ci avàte màsse n’anne.